Често зборувате во сон? Можеби сте под високо ниво на стрес

Симптомите на високостресен период не се случуваат само кога сте во будна состојба.

Познато е дека постојат лица кои зборуваат во сон, но за разлика од филмовите каде на парнерот му ги признавате вашите најголеми тајни, тоа најчесто се неразборливи испревртени зборови, а некогаш и само брборење. Иако на некои им е застрашувачки, а на други им е симпатично, факт е дека дури и смеењето и плачењето во сон, за кои не сте свесни, се знак дека можеби сте и под одреден стрес кој на тој начин ви се манифестира.

  • Зошто луѓето зборуваат во сон?

Постојат неколку причини зошто некој зборува додека спие. Надворешни фактори како што се стрес, лекови, здравствени состојби, супстанции или други нарушувања на спиењето (на пример, несоница, апнеа и нарколепсија) се некои од најпопуларните. Но, може да бидат симптоми и прекумерен замор или недостаток на сон. Од друга страна, ако се најдете под поголем стрес од вообичаеното, вашите обрасци на зборување во сон може да се зголемат или да станат поправилни, односно би можеле да зборувате во сон секоја вечер.

  • Дали може да се спречи зборување во сон?

Само зборување во сон не ви штети вам на кој било начин, иако може да да предизвика нервоза кај оние со кои делите кревет или соба. Прекумерниот замор или лошата хигиена на спиење – премногу кофеин или алкохол, несоодветен распоред за спиење или прекумерно време поминато во кревет – може да доведе до поголема возбуда или транзиција во фазата на спиење, што ја зголемува шансата за зборување во сон. Значи, за да го намалите, треба да поработите на тие фактори.

Во исто време, во никој случај не бидете премногу строги кон себе. Зборувањето во сон е сосема нормално и почесто отколку што мислиме, и ако не ја испиете шолјата кафе попладне и ако порано го тргнете од раце мобилниот пред спиење – можеби веќе и тогаш ќе сведочите на промени.