Чијата води потекло од Централна и Јужна Америка каде низ историјата ова семе претставувало важна намирница за Ацтеките и Маите, а денес во голема мера се користи во Аргентина и Перу. Во последните неколку години заради високото количество на омега-3 масни киселини кои ги содржи, како и протеини и влакна се стекна со статус – „суперхрана“.
Во 2 лажици чија (околу 24 грама) има 117 калории, 4 грама протеини, 8 грама влакна и 4 212 мг омега-3 масни киселини. Ова количество задоволува и 15 % од дневните потреби за калциум, 25 % за манган и 23 % за фосфор.
Како ова семе влијае врз здравјето на кардиоваскуларниот систем!?
Високото количество на влакна во чија семето помага долго да се чувствуваме сити и ја намалува потребата за храна, што може да помогне во борбата со вишок килограми. Бројни истражувања покажале дека зголемувањето на внесот на влакна го регулира нивото на ЛДЛ и вкупниот холестерол во крвта.
Повеќе големи студии покажале дека поголем внес на влакна (во просек 14 г валкан на секои 1 000 калории кои ги внесуваме во текот на денот) значително го намалува ризикот од коронарни болести и дијабетес тип 2. Треба да се спомене и дека омега-3 масните киселини го поддржуваат кардиоваскуларното здравје на тој начин што го потпомагаат регулирањето на нивото на липиди во крвта и го намалуваат ризикот од тромбоза и пореметување на срцевиот ритам.
