Симптомите на болеста може да бидат различни, а дали болката во грлото е еден од нив?
Може, но е само од еден од симптомите кои може да се развие како последица од инфекцијата. Некои симптоми сепак се многу почести.
ДАЛИ БОЛНОТО ГРЛО Е ВООБИЧЕН СИМПТОМ НА ИНФЕКЦИЈАТА?
Според пишувањата на струката, симптомите кои се јавуваат може да се разликуваат од лице до лице, а болното грло е еден од нив. До денес не е забележано по кој редослед овој симптом се јавува по инфекцијата SARS-CoV-2, додека се знае дека кај другите респираторни болести тоа е еден од првите симптоми бидејќи вирусот ќе влезе преку нос или грло во организмот.
Секако станува збор за чест симптом на болеста КОВИД-19, а една студија која е направена на барање на Светската здравствена организација, спроведена во Кина, открила податок дека само 13,9 проценти од 55.000 заразени пациенти, како симптом пријавиле и болка во грлото. И други две студии откриле слични податоци.
КОИ СЕ ОСТАНАТИТЕ СИМПТОМИ И ПРЕДУПРЕДУВАЧКИ ЗНАЦИ?
Според експертите од СЗО, чести симптоми на КОВИД-19 се:
- Температура
- Кашлица
- Замор
Со болка во грлото, еднакво ретко се јавуваат и симптоми како:
- Краток здив
- Главоболка
- Болка во телото
- Треска
- Течење на нос
- Проблеми со дигестијата
- Губење на осетот за мирис и вкус
Важно е да имате предвид дека за овој вирус и болеста се уште се учи, а токму поради тоа симптомите може да се менуваат и може нови да се откријат.
КОВИД-19 ИЛИ НАСТИНКА И ГРИП?
Доколку ве боли грлото и имате други симптоми на респираторни болести, како да знаете што е во прашање? Едноставно е – тестирајте се на КОВИД-19. Постојат и други фактори кои може да откријат за која болест се работи.
КОВИД-19. Симптомите се развиваат постапно, а најчест е зголемена телесна температура, кашлица и замор. Останатите симптоми не се јавуваат толку често.
НАСТИНКА. Симптомите исто така се развиваат постапно, а рани симптоми се болно грло и течење на нос. Температура може да се јави, но многу ретко.
ГРИП. Симтомите нагло се јавуваат, а многу се слични на КОВИД-19 болеста. Сепак, оние вообичаени се треска, главоболка, болка во телото, оние кои се ретки при инфекција со новиот коронавирус.
ШТО ДА НАПРАВИТЕ АКО ИМАТЕ ЗАГРИЖУВАЧКИ СИМПТОМИ
Ако мислите дека имате КОВИД-19, следете ги овие чекори:
- Останете дома. Излезете надвор само ако ви е потребна медицинска помош. Дистанцирајте се од другите колку тоа е можно.
- Повикајте лекар: Кажете му ги вашите симптоми и тој ќе ви даде информации како да се грижите за себе додека сте болни и да ве упати на тестирање.
- Следете ги симптомите: Повеќето луѓе можат да се опорават од болеста дома, но сепак кај 1 до 5 лица се развиваат тешки симптоми. Ако симптомите се влошат, веднаш повикајте лекар.
