Дали лутите пиперчиња навистина предизвикуваат мигрена?

Храната што ја јадеме и времето во кое ја консумираме често може да биде главна причина за главоболка.

Не постои лек за мигрена, но таа може да се спречи со правилна исхрана и со воведување на одредени животни навики.

Многу силна главоболка која го спречува нормалното функционирање по дефиниција е мигрена. Многумина покрај силната пулсирачка болка во еден дел од главата или во целата глава чувствуваат и мачнина, вртоглавица и стануваат чувствителни на светлина и гласни звуци.

„Додека исхраната е ретко причина за појава на мигрена, се смета дека често може да биде нејзин „прекинувач“, изјавил д-р Ноа Росен, директор на центарот за главоболка во Њујорк.

Мигрените може да бидат предизвикани од одредени видови на храна и пијалаци. За да дознаете која храна активира мигрена, следете го начинот на кој вашето тело реагира на одредени намирници.

Ова се намирници кои може да предизвикаат мигрена:

1. Кафе

Малку кофеин понекогаш може да помогне со мигрената, но тоа е меч со две острици – ако пиете кафе секој ден и едно утро го прескокнете овој ритуал, последицата може да биде мигрена. Бидејќи кофеинот се наоѓа и кај некои други производи, важно е да се проверуваат декларациите.

2. Суви производи

Нитрати, особено во салами и останато дозреано месо и сирење можат да ја стимулираат мигрената. Високо солената храна може да го стори истото, бидејќи предизвикува дехидрација.

3. Алкохол

Самиот алкохол не е причина за мигрена, но денот после опивање може да биде „опасен“.

4. Цитрусно овошје

Сите кисели намирници може да го иритираат желудникот и да ги поттикнат мигрените.

5. Чоколадо

Не е докажано дека чоколадото делува како „прекинувач“, но желбата за него може да биде нешто како „симптом“. Имено, често се случува пред да се појави мигрена, лицето да сака да јаде нешто многу слатко.

6. Лута храна

За лутите пиперчиња се верува дека се силен „прекинувач“, додека лекарите сметаат дека одредени рецептори за болка реагираат на нив.