Дали некогаш сте се запрашале – зошто мажите побрзо слабеат од жените?!

Веројатно, сте забележале дека при држењето диета мажите често побрзо губат килограми или, пак, губат повеќе килограми од жените. Зошто доаѓа до овие разлики?

Дански научници во неодамнешна студија сакале да проучат како хипокалорискиот режим на исхрана се одразува врз мажите, а како врз жените, Имено, веројатно, сте забележале дека при држењето диета мажите често побрзо губат килограми или, пак, губат повеќе килограми од жените. Зошто доаѓа до овие разлики?

Во истражувањето кое го спровеле тим научници од Универзитетот во Копенхаген учествувале 2224 возрасни лица со прекумерна телесна тежина и предијабетес. Испитаниците биле од Европа, Австралија и Нов Зеланд. За време од 8 недели се придржувале на режим на исхрана сиромашен со калории (внес од 810 калории дневно), кој се базирал на супи, шејкови, варени интегрални житарки и на зеленчук сиромашен со калории како што се домати, краставици и зелена салата во количество од 375 г дневно.

После 8 недели, 35 отсто од учесниците имале нормално ниво на глукоза во крвта и повеќе не биле во предијабетична состојба. Меѓутоа, кога станува збор за изгубените килограми, мажите во просек загубиле 11, 8 кг, додека просечниот губиток кај жените бил 10,2 кг. Кај мажите, исто така, било забележано видно подобрување на параметрите кои се однесуваат на срцевиот ритам, телесните масти и метаболичкиот синдром. Кај жените, од друга страна, воочено било намалување на нивоата на ХДЛ холестерол т.е. „добар“ холестерол.

Стручњаците сметаат дека причина за споменатите разлики е фактот дека мажите имаат повеќе мускули и поголема метаболичка стапка (брзина на метаболизмот) од жените. Исто така, во нормални услови мажите во просек внесуваат повеќе калории од жените, па затоа внесот од само 810 калории дневно за нив бил уште подрастичен. Исто така, мажите имаат повеќе висцерални масти (масти кои ги обложуваат внатрешните органи), и кога почнуваат да ги губат овие масти нивната метаболичка стапка дополнително се зголемува, па затоа и согоруваат повеќе калории. Жените, од друга страна, имаат повеќе супкутани (поткожни масти) на бутовите, колковите и задникот, а чиј губиток не влијае на стапката на метаболизам.