Лукот е редовно присутен на нашата трпеза, а кон него секогаш се навраќаме кога се соочуваме со настинка или грип. Во народот е познат како природен антибиотик, а дека е навистина лековит потврдуваат и стручњаците. Во лукот се наоѓаат речиси стотина активни хемиски соединенија, а меѓу нив и неколку антиоксиданти.
Се уште не е јасно како сите компоненти на лукот делуваат во организмот, но лукот навистина делува како антибиотик, како средство за отпушување на дишните патишта, анканцерогено и противвоспалително, а ги сузбива и габите и некои вируси.
Лукот своите лековити својства ги должи на алицинот, со кој се брани против инвазијата на бактерии и габи. За најдобро да ги искористите благодатите на лукот, треба често и правилно да го консумирате.
- Пред да го консумирате, задолжително згмечете го за да ја поттикнете ензимската реакција во која се формира алицин.
- Секој ден треба да се јадат најмалку три чешниња лук.
- Најдобро е да се консумира во сурова состојба.
- Ако термички го обработувате, нека биде кратко – не подолго од 10 минути.
Многумина го избегнуваат лукот поради неговиот силен мирис. Важно е да се знае дека тој е последица на супстанциите кои содржат сулфур и кои му ги даваат лековитите својства на лукот. Проблемот на непријатен здив после јадење лук може да го решите со џвакање лист од магдонос, зрна кафе или анасон.
