Овој викенд слободно поспијте малку подолго! Всушност ако сакате да бидете здрави, спијте секој викенд малку подолго. Барем така препорачуваат научниците од Шведска, чија студија покажала дека подолгото спиење за време на викендите може да помогне да ги решиме здравствените проблеми кои настанале заради недостатокот на сон во текот на неделата.
„Краткото спиење за време на неделата и за викендите е поврзана со зголемена смртност. Исто е и со предолгото спиење. Но луѓето кои во текот на неделата спијат пократко, а го надоместуваат тој недостаток на сон за викендите, имаат нормална смртност“, објаснил водачот на студијата и професор на Каролинскиот институт во Шведска Торвјорн Акерстед.
Навиките за спиење на луѓето во текот на 13 години
Тој и неговите колеги ги анализирале податоците за навиките за спиење на 43 880 луѓе во текот на 13 години, а за да видат колкаво количеството на сон влијае врз стапката на смртност. Резултатите покажуваат дека спиењето пет или помалку часа влијае на стапката на смртност. Тие уште покажуваат и дека спиењето пет или помалку часа е поврзано со поголем ризик од смрт, а причината е едноставна – нашето тело во тој период не стигнува да се одмори и да се подготви за новиот ден.
„Краткиот сон спречува биолошко опоравување. А без тоа нашиот организам почнува да откажува и се зголемува ризикот од смрт“, вели Акерстед. Но тука во целата приказна влегува надоместокот на сон за време на викендите. „Можно е на тој начин да се компензира недостатокот на сон“, додава.
Од седум до осум часа сон
Овие наоди по малку ги збунуваат луѓето затоа што досега сите ни велеа дека мораме секогаш да легнуваме и да се будиме во исто време, па дури и за викендите. Докторката Харнет Валиа од Slip Disorder центарот во клиниката Кливленд, тврди дека пациентите најчесто прашуваат токму за ова – Дали за време на викендите смеат да спијат подолго?
„Да, се чини, дека подолгото спиење за време на викендите би можело да биде корисно, но мислам дека дефинитивно ни требаат уште научни податоци“, вели Валиа. Сепак, ова истражување укажало на тоа дека недостатокот на сон може негативно да влијае и на луѓето помлади од 65 години, што е показател дека во секој период од животот е важно да се води сметка за здравјето. „Ова укажува на важноста од здрав сон, кој би требало да трае меѓу седум и осум часа“, додава.
