Прекумерната телесна тежина може да биде поврзана со промените во структурата на мозокот, укажуваат резултати од нова студија. Имено, повисокото ниво на телесни масти е поврзано со намалувањето на волуменот на сивата маса и зголеменат веројатност на промени во белата маса.
Треба да се истакне дека споменатата поврзаност помеѓу дебелината и промените во мозокот биле поизразени кај мажите отколку кај жените, што укажува дека полот е важен модификатор на врската помеѓу процентот на маснотии и големината на одредени мозочни структури.
Резултатите од оваа студија претставуваат уште еден доказ дека дебелината е поврзана со промените во структурата на мозокот. Претходни истражувања исто така покажале врска помеѓу дебелината и зголемениот ризик за забрзан когнитивен пад и болести на мозокот, како што е деменцијата.
