Познатата актерка Џенифер Анистон отсекогаш важела за поборник на здравата исхрана. Иако сака да експериментира со вкусовите, таа е лојална на еден вкусен појадок. Се работи за смути, без кое актерката, како што самата вели, не може да го замисли почетокот на денот.
Токму овој пијалак е одговорен за нејзината линија и блескава кожа, а посебен го прави и неговиот богат, кремаст, чоколаден вкус, кој е вистинско уживање.
Доколку сакате да го испробате магичниот пијалак на Џенифер Анистон, во продолжение ви го донесуваме рецептот, кој се подготвува за само неколку минути.
Потребни состојки:
- 1 шолја чоколадно бадемово млеко
- 1 шолја замрзнати цреши
- 1 лажица протеини во прав (какао вкус)
- 1/2 лажица мака во прав
- 1/4 лажици минерални капки
- 1/2 замрзната банана
- 1 рака боровинки
- 2 до 3 капки стевиа
- 5 бадеми
Подготовка:
- Во блендер сипете го бадемовото млеко, минералните капки и стевиа.
- Потоа додадете ги бадемите, овошјето, мака и протеини во прав.
- Изблендирајте ги сите состојки, па сипете во чаша.
- Смутито се пие наутро на празен стомак.
- Бадемовото млеко може да го замените со обично кравјо млеко или млеко по ваш вкус. Смутито може да се направи и без минералните капки и протеини во прав доколку не успеете да ги најдете во продавниците.
