Девет предупредувачки симптоми на лупус кои не смеете да ги занемарите

При лупус настанува грешка во работата на автоимуниот систем и антителата, па наместо да се борат против евентуалните „напаѓачи“, тие почнуваат да го напаѓаат вашето тело

Симптомите на автоимуните заболувања, вклучувајќи го и лупусот, лесно може да бидат измешани со други симптоми или, пак, да се припишат на нешто сосема трето. Постојат многу предупредувачки знаци и симптоми кои укажуваат дека можеби страдате од ова автоимуно нарушување и поради тоа не смеете да игнорирате ниту еден, туку веднаш појдете кај вашиот лекар. При лупус настанува грешка во работата на автоимуниот систем и антителата, па наместо да се борат против евентуалните „напаѓачи“, тие почнуваат да го напаѓаат вашето тело. Затоа, обрнете внимание на следниве симптоми, особено ако имате повеќе од два наеднаш и ако не знаете што точно ги предизвикува.

Главоболки

Споредено со општата популација, лицата кои страдаат од лупус имаат двојно поголема зачестеност на главоболки кои личат на мигрени. Затоа и неретко се случува овие симптоми да бидат протолкувани погрешно. Секако, не секоја главоболка е знак за автоимуно заболување, но доколку забележите зачестени повторувања на истиот вид болка, потребно е да закажете преглед кај вашиот лекар.


Изнемоштеност

Доколку често сте изморени, а некогаш и без посебна причина за тоа, можеби се работи за лупус. Голем број заболени најчесто се жалеле на изнемоштеност со непознато потекло, која лошо влијае врз нивната продуктивност и секојдневните активности.

Болки во зглобовите

Воспалителниот процес може да предизвика непријатно чувство на трпнење, закоченост и болки во зглобовите, кои особено се манифестираат наутро. Може да бидат од благи и едвај забележливи, до неподносливо болни.

Болка во градите

При лупус често може да се случи воспалителен процес во дишните патишта, што понатаму предизвикува и реална физичка болка. Доколку ваквата болка постои во комбинација со другите симптоми, тогаш имате добра основа да побарате преглед од специјалист.

Црвенила и чешање на лицето

Најчест видлив знак е црвенилото и лупењето на кожата во делот на носот и горниот дел на образите. Околу 50 проценти од пациентите со лупус го имаат и овој проблем.

Побелување или помодрување на прстите кога е студено

Луѓето кои страдаат од лупус имаат и стеснување на капиларите, па поради тоа при ниски температури нивните прсти на рацете и нозете може да добијат бела или модра боја.

Слабеење или паѓање на косата

Доколку забележите нагло губење на квалитетот на влакното или пак, целосно опаѓање на прамени, потребно е веднаш да отидете на преглед, за да се провери дали се работи за лупус или за хормонално нарушување. При лупус, често може да се забележи губење на влакната и на другите делови од телото, не само на скалпот.

Рефлукс

Ако имате необјаснива појава на болки во дигестивниот систем, мачнини, повраќања, дијареја или запек, проследени со некој од веќе наведените симптоми, разговарајте со вашиот доктор колку можете побрзо.

Благо покачена температура

Најраните симптоми на лупус ја вклучуваат и благо покачената телесна температура која не може да се спушти со помош на лекови. Таа нагло се појавува и нагло исчезнува и секогаш се движи помеѓу 37 и 38 степени Целзиусови.