Низа претходни истражувања укажале на животните навики кои играат важна улога во превенцијата од рак на дојка, како и на фактот дека недостатокот на сон ги зголемува шансите за заболување од оваа сериозна болест. Кога е во прашање исхраната неодамнешна студија утврдила дека лукот и кромидот можат да го намалат ризикот од рак на дојка.
Во истражувањето учествувале 660 жени од Порторико. Интересно е дека Порторико има пониска стапка на рак на дојка од Соединетите Американски Држави што и било повод за самото истражување.
Лукот и кромидот се незаменливи состојки во порториканската кујна, а обилуваат со флавоноиди и сулфурни соединенија кои делуваат антиканцерогено. Авторите на студијата утврдиле дека жените кои секојдневно јадат софрито, додаток во јадења кој содржи комбинација од лук и кромид, имаат за 67 отсто помал ризик од заболување од рак на дојка отколку жените кои не го јадат никогаш.
