Се чини, дека луѓето кои земаат додатоци на калциум за да го подобрат здравјето на своите коски, се изложени на поголем ризик од развој на полипи на дебелото црево, покажува новата студија, чии резултати се објавени во „Гут“, месечно рецензирано медицинско списание за гастроентерологија и хепатологија.
Инаку, полипите на дебелото црево не се канцерогени, но некои од нив, ако не се отстранат, може да се трансформираат во колоректален карцином.
Идните истражувања треба да ги потврдат резултатите од оваа студија. Ако се утврди дека суплементите на калциум го зголемуваат ризикот од рак на дебелото црево, тоа би можело да има далекусежни последици за јавното здравје за превенција и скрининг на рак на дебелото црево, со оглед на тоа дека милиони луѓе ширум светот земаат додатоци на калциум во исхраната.
Во истражувањето учествувале 2 000 луѓе на возраст од 45 до 75 години. Она што треба да се напомене е дека жените и пушачите кои земале додатоци на калциум биле изложени на поголем ризик од развој на полипи на дебелото црево. Истражувачите не најдоа врска помеѓу зголемениот внес на калциум преку исхраната и поголемиот ризик од полипи на дебелото црево.
