Докажано е дека само 5 алкохолни пијалаци неделно можат да го скратат животот!

Консумирањето пет алкохолни пијалаци неделно може да доведе до рана смрт, тврдат научниците.

Пиењето само 100 г алкохол неделно – што е еднакво на пет чаши вино – го зголемува ризикот од смртност, покажала студија објавена во медицинскиот магазин The Lancet.

Истражувањето во кое биле анализирани 600 000 луѓе од 19 земји покажало дека оние кои пијат повеќе имаат поголеми шанси да добијат мозочен удар, инфаркт и аневризма.

Пиењето меѓу 200 и 350 г алкохол неделно – што е отприлика 10 до 18 чаши вино – би можело да го скрати животот на просечна личност за една до две години, се наведува во студијата.

Во истражувањето е заклучено дека граничните вредности на внес на алкохол би требало да бидат пониски од повеќето официјални насоки ширум светот.

Соединетото Кралство неодамна претставило нови насоки препорачувајќи им на луѓето да не пијат повеќе од шест чаши вино неделно. Од друга страна, насоките на Центарот за контрола и превенција на болести велат дека жените можат да пијат до еден алкохолен пијалак дневно, додека мажите до два.