ДОКАЗИ ЗА ШИРЕЊЕ НА КОРОНАВИРУСОТ ПРЕКУ ВОЗДУХ: Патник заразил речиси половина автобус иако бил на растојание од два метри

Едно лице за време на патување со автобус во Кина, заразил 23 други патници, иако не биле сите во негова близина, покажуваат резултатите на најново истражување кои нудат докази за тоа дека новиот коронавирус се шири и преку аеросоли, ситни честички во воздухот.

Здравствените власти на почетокот на пандемијата ја отфрлаа можноста според која коронавирусот може да се шири и преку обично дишење, но со откривањето на нови докази го менуваат мислењето.

Написот објавен завчера во списанието JAMA Internal Medicine ја објаснува заразата меѓу патници кои 50 минути патувале со автобус на настан во јануари оваа година, пред маските да станат рутинско средство за борба против вирусот.

Научниците веруваат дека патникот, чиј пол не е објавен, веројатно бил нулти пациент, бидејќи бил во близок контакт со лица во Вухан, првото жариште на заразата од крајот на минатата година.

Стручњаците успеале да мапираат каде седеле и останатите патници и да ги тестираате на вирусот. Се покажало дека 23 од 68 патници се заразени во истиот автобус.

Важно е да се нагласи дека заразените патници седеле и во предниот и во задниот дел од автобусот, што значи далеку од кругот од два метра, растојание кое се смета за граница џа ширење на вирусот по капков пат. Освен тоа, нултиот пациент за време на патувањето не покажувал симптоми на болеста, како кашлица. Научниците забележале дека уредот за разладување во автобусот го циркулирал истиот воздих, што веројатно придоенло за ширење на вирусот.

“Истражувањето укажува на тоа дека во затворен простор со воздушна циркулација, SARS-CoV-2 е многу заразен патоген“, напишале научниците.

Нивната студија е нов доказ за ширење на вирусот преку аеросоли, како и истражувањето за ширење на вирусот помеѓу маси во ресторан во кинескиот град Гунагџоу.