За оние кои баш и не сакаат да трошат време на домашни работи еве мала мотивација: работата по дома би можела да ви помогне да согорите завиден број калории. Иако за тие работи најчесто се врзува досадата, се заборавува на движењата или вежбите кои ги следат. На крајот на краиштата не се трчањето или спинингот единствен начин да се согорат калории и да се изгубат одвишните килограми.

Сервисот за домашни услуги Plentific пресметал колку калории една возрасна личност тешка 68 кг може да потроши за еден час одредена домашна активност.

Бришењето прашина ќе ви согори 171 калорија за еден час. Но ако додадете некои „посериозни“ движења, на пример, од оние кои ги бара смукањето со правосмукалка тогаш ќе потрошите и уште повеќе.

Со метење за околу 60 минути ќе загубите отприлика 40 калории.

Со чистење подови за еден час може да потрошите 267 калории.

Чистењето на кадата кое трае околу 15 минути, значи потрошени 15 калории.

Местењето на креветот во траење од 15 минути на дневно ниво значи 9 потрошени калории, а на неделно ниво 63.

За еден час пеглање ќе согорите цели 140 калории.

Со миење садови за 15 минути ќе потрошите 80 калории.

Бришењето прозорци троши 100 калории за еден час.

Преуредувањето на мебелот во домот ќе ви одземе 408 калории на час. А тоа е исто како да сте играле тенис, и тоа 50 минути.

Варосувањето е добра опција затоа што не само што ќе ви го освежи домот, туку за еден час оваа активност ќе ви согори 306 калории.

ЗАКЛУЧОК: Доколку во текот на денот искомбинирате повеќе активности тогаш и не морате да трошите пари во теретана. Ем згодни ем чиста куќа.