Доц. д-р Оливер Станков: Третиот Конгрес на Здружението на уролози заврши со плодна размена на искуства од сите области на урлогијата

Третиот Конгрес на Здружението на уролози на Македонија на едно место ги собра експертите во урологијата од целиот регион, на кој беа рзменети искуства од трансплантацијата, уроонкологијата и уропатологијата.

“По завршувањето и на овој трет по ред Конгрес на Здружението на уролози на Македонија можам слободно да кажам дека саканата цел се исполни. Имавме големо присуство на колеги од Македонија, Србија, Хрватска, Словенија, Турција, Бугарија и Косово. Беа присутни квалитетни предавачи, се одржаа многу важни презентации од областа на урологијата, трансплатацијата, уропатологијата и уроонкологијата. Она што е значајно е дека за време на овие три дена се разменија особено богати искуства. Беа презентирани новините во дијагностиката, третманот и лекувањето на пациентите од оваа област“, изјави доц. д-р Оливер Станков, претседател на Здружението на уролози на Македонија, на вчерашното затворање на Конгресот, кој викендов се одржа во МАНУ во Скопје.

При тоа, доц. д-р Станков изрази благодарност до компаниите кои земаа учество на настанот и кои дадоа поддршка за реализација на истиот. При тоа, тој се заблагодари и на организаторите кои беа одговорни за беспрекорното функционирање на целиот конгрес.