Според студијата објавена во магазинот „Nutrition“, една чаша сок од домати може драстично да го намали обемот на вашиот стомак.
Истражувачите откриле дека жените кои консумирале 280 мл од овој пијалак секој ден, изгубиле 50 отсто од масните наслаги за само осум недели. Исто така, повеќето од нив со овој пијалак успеале да го регулираат и нивото на холестерол.
Како сокот од домати помага во губење на вишокот килограми?
Овој сок содржи високо ниво на ликопен – антиоксидант кој го зголемува производството на хормонот адипонектин за дури 25 отсто. Нутриционистката Шона Вилкинсон за „The Daily Star“ објаснува зошто доматите се толку добри за губење на прекумерната тежина.
„Доматите содржат малку калории и јаглехидрати, а имаат висока содржина на вода. Исто така, имаат малку шеќер, па се одлична алтернатива на овошните сокови“, вели Вилкинсон.
Таа додава дека овој сок го намалува и апетитот во исто време. „Како и другиот зеленчук и овошје, така и сокот од домати ги обезбедува природните витамини и минерали потребни на организмот, помага во претворање на храната во енергија и го забрзува метаболизмот“.
Сепак, покрај воведувањето на овој пијалак, мора да обрнете внимание и на исхраната.
„Ако само во вашата исхрана додадете домати или сок од домати, ако се храните нездраво или внесувате многу калории, нема да ги почувствувате резултатите. Во секојдневното мени треба да вклучите намирници од сите групи, со многу зеленчук и протеини и да ја елиминирате преработената храна“, препорачува нутриционистката.
