Една калинка дневно прави чуда за здравјето, ако се јаде на празен стомак, велат нутриционистите. Времето што ќе го поминете во чистење на ова ароматично овошје ќе ви се исплати, телото ќе ви биде благодарно,а косата, кожата и забите ќе бидат поубави.
Црвените, сочни гранули можат да им помогнат на оние кои страдаат од болка во зглобовите. Причината за ова се антиоксидантите флавоноли. Тие се богати со антивоспалителни агенси кои го намалуваат отоците предизвикани од болките во зглобовите, а допринесуваат и за почиста кожа и поздрави заби.
Секако сите што примаат терапија за болки во зглобовите, треба да се консултираат со лекарите за да се осигураат дека е безбедно во секојдневната исхрана да консумираат калинка.
Пуницинската киселина, наречена по латинското име на калинката Punica granatum, се наоѓа во семчињата на ова овошје, а меѓу нејзините специјални моќи е стимулацијата на циркулацијата.
Како резултат на подобрата циркулација на главата и исхраната на фоликулите на влакното, косата расте побрзо, сјае и е поцврста.
Секојдневното консумирање калинка исто така може да помогне и во борбата со високиот крвен притисок. Повеќе студии потврдуваат дека дневниот внес на околу 140 грама сок од ова овошје може да го намали крвниот притисок.
Истражувачкиот тим на Британскиот универзитет на кралицата Маргарета, открил дека сок од калинка може да го намали хормонот кортизол, што го штити срцето, бидејќи голем број на болести на срцето и крвните садови се резултат на дејството на тој хормон.
