Еднаш и засекогаш – дали кафето е полезно или штетно по здравјето?

Последните научни истражувања потврдуваат дека треба да пиете повеќе, а не помалку кафе.

Го започнувате ли денот со шолја топло кафе, проследено со втора шолја, а потоа околу 15 часот пиете и трета, со цел полесно да го дочекате крајот на работно време?

Dali-kafeto-e-polezno-ili-stetno-po-zdravjeto-01.jpg

Понекогаш се грижите дека консумирате премногу кофеин и дека можеби треба да го намалите? Не. Последните научни истражувања потврдуваат дека треба да пиете повеќе, а не помалку кафе.

Ова можеби изгледа како изненадувачки заклучок од страна на истражувачкиот тим предводен од Џузепе Гросо од Универзитетот во Катанија во Италија. Тој и неговиот тим анализирале 127 студии за потрошувачката на кафе и секоја од нив ја рангирале согласно истражувачките методите и веродостојноста на извлечените заклучоци. Имале сосема едноставна цел: еднаш и засекогаш да утврдат дали кафето е лошо за нас како што тоа го покажале некои истражувања или всушност е добро и полезно како што покажале и други студии истовремено.

„Невозможно е да живееме во 2017 година и сe уште да се бориме со одлуката дали кафето е здраво или нездраво“, изјавил Гросо како предводник на тимот за обемното минатогодишно истражување.

Борбата е конечно завршена и имаме дефинитивен одговор. За сите останати, кафето има импресивни придобивки. Тоа може да го намали ризикот кај некои од најчестите видови на рак, како што се ракот на дојка, ракот на дебелото црево, ендометријалниот рак и ракот на простата. Исто така, кафето го намалува и ризикот од кардиоваскуларни болести и го намалува ризикот од дијабетес тип 2 и Паркинсонова болест за 30 проценти. Не е никакво чудо, како што покажаа некои истражувања дека алкохоличари имаат тенденција да живеат подолго од оние кои не пијат кафе. Има долго објаснување за сите овие бенефити, но тука е кратката верзија: Како и зелениот чај и темното чоколадо, така и кафето е полно со антиоксиданти. Но, најдобрата вест од истражувањето е количината на кафе која дневно треба да пиеме.

Имено, потврдено е дека три до четири шолји кафе дневно нема да ве повредат. Тоа се околу 400 милиграми кофеин, односно идеалната дневна доза на кафе за вашето здравје, освен ако не сте бремени. Сепак, истражувањето на крајот упатува кон една сериозна забелешка.  Ако сте навикнати да го пиете вашето кафе со многу шеќер и млеко, можеби ќе сакате да го намалите првичниот импулс кога ги истурате овие додатоци. Кафето можеби не е лошо за вашето здравје, но шеќерот што го додавате влијае мошне негативно. Без грижа на совест испијте ја втората, третата па дури и четвртата мала шолја кафе. Само водете сметка на она што го додавате во него.