Проверете си ја перницата
Идеалниот модел на перница ги поддржува главата и ‘рбетот во удобна позиција и ги чува од болки и од искривувања. Уверете се дека главата не ви оди многу назад или пак не е претерано виско поставена, па ако е потребно сменете ја перницата.
Намалете ја напнатоста
Будењето рано често се должи на насобраниот стрес, на нервната напнатост, па дури и на депресијата. Редовната физичка активност која ви причинува задоволство и која ќе ја практикувате до три пати во неделата ќе ви помогне да се опуштите и да спиете помирно и подолго. И брзото одење го дава истиот ефект.
Мислете на убави нешта
Луѓето кои си замислуваат сончев пејсаж, прекрасна зелена градина или си споменуваат нешто убаво заспиваат 20 минути порано од оние кои бројат овци, тврдат британските експерти за инсомнија.
Легнувајте и станувајте во исто време
Ова ќе ја намали појавата на несоница. За пријатен сон, организмот ни ја намалува телесната температура и го намалува производството на хормоните за стрес. Тоа се случува доколку имаме редовен режим на легнување.Поинаку, организмот ни е збунет.
Природни препарати
На пазарот постојат многу додатоци, чаеви или други состојки кои на природен начин ќе ви помогнат да ја надминете несоницата. Камилица, глог, лаванда, маточина, валеријана… Најдете си комбинација која ќе ви одговара.
Испијте чаша топло млеко
Ова е лек од времето на нашите баби. Испијте една чаша топло свежо млеко, без да додавате шеќери во него, и легнете си во постела. Благодарение на аминокиселините во млекото, кои делуваат смирувачки на организмот, брзо ќе заспиете.
Дишете длабоко
Оваа техника помага да се успори срцевиот ритам и да се намали притисокот, да се опушти телото и да се стимулира производството на ендорфини.
Рацете и нозете да ви се топли
Ако температурата на телото треба да се намали за да заспиете во убав сон, рацете и нозете треба да останат топли, инаку постои ризик да се разбудите во текот на ноќта. Нека ви бидат топли и ќе заспиете побрзо.
Избегнувајте одредени напитоци
Киселите сокови на база на домати, цитрусни овошја или ананас може да ги надразнат ѕидовите на мочниот меур и кои може да предизвикаат грчеви кои ќе ви го расипат сонот. Избегнувајте да пиете кафе или чај во доцните попладневни часови.
