Свежи утра, температурни промени во текот на денот, адаптацијата на организмот. Типични есенски карактеристики за кои медицинските стручњаци велат дека треба да послужат за подготовка на имунитетот за зимскиот период што доаѓа. А тоа, потсетуваат тие, може во голем процент да се направи преку правилниот начин на исхрана и вбројувањето на одредени намирници во дневното мени. Еве кои се тие:
Тиква
Одлично се вклопува во десертите, но од неа може да се направат и чорби и варива. Полна е со хранливи материи кои ја зајакнуваат одбраната на организмот од бактерии и вирози. Изобилува со витамин Ц, фолна киселина, цинк, антиоксиданти, бета каротен, па дури и здрави омега 3 масни киселини.
Цимет
Може да се додаде во чај, а може да се консумира и додаден во кафе. Циметот е зачин кој грее,што го прави одличен избор за зимските денови што доаѓаат. Има антивирусни и антибактериски својства, а во традиционалната медицина се користи за ублажување на стомачни тегоби, грип, мачнини и настинки.
Лук
Содржи алицин, состојка која може да се смета за природен антибиотик, бидејќи делува на бактерии, габи и вируси, а го јакне и имунитетот.
Ѓумбир
Ѓумбирот е ефикасен во ублажување на мачнините од лекови – покажале неколку научни исражувања. Малку ѓумбир во прав додадете во чај и може да ви помогне против стомачни вируси. Исто така, ѓумбирот ја забрзува циркуллацијта, го загрева телото и поттикнува потење, па чај со ѓумбир и лимон спаѓа во најчесто користените природни средства против настинка.
Јаболко
Јаболката содржат многу состојки кои имаат антиинфламаторни и антиалергиски ефекти. Кората од јаболкото е богата со кверцетин, состојка која помага дишните патишта да се исчистат од секрет.
Лута пиперка
Лутото според кинеската медицина особено се препорачува на есен, затоа што поволно делува на организмот во целина. Капсаицинот што го содржат пиперките, го раствара секретот и помага во отворањето на дишните патишта, го загрева организмот и поттикнува потење, што претставува одлична превенција од настинки.
Батат (сладок компир)
Се подготвува исто како и обичниот компир, но за разлика од обичниот компир, слаткиот изобилува со бета каротен и витамин Ц, како и со нутриенти кои делуваат превентивно против настинки и грип.
