Јаболкото е вкусна и лековита намирница. Уште во средниот век биле познати не само хранливите состојки на јаболкото, туку и неговата лековита вредност. Во што е тајната?
Богато е со супстанции базирани на влакна (целулоза, пектин, лигнин). Содржи 20 % од препорачаната дневна количина на влакна. Влакната од јаболката спречуваат настанување на срцеви заболувања.
Изобилува со витамини Ц, А, Е, К и Б, минерали (калиум, магнезиум, фосфор, железо), содржи млечна, лимонска и јаболкова киселина, која помага во процесот на варење.
Го снабдува организмот со енергија, го спречува заморот и го разбиструва умот. Ако јадете јаболко пред спиење, ќе имате мирен и пријатен сон.
Антиоксидантите во јаболката го штитат мозокот од стареење
Јаболкото заслужено припаѓа на групата на најпопуларни плодови, а неговото извонредно влијание врз здравјето е потврдено и од бројни научни студии.
Освен изобилството со хранливи материи, може да помогне во губење на вишокот килограми, а се поврзува и со намалување на ризикот од дијабетес. Јаболкото може да има пробиотски ефект и да го подобри здравјето на дигестивниот систем, содржи супстанции кои можат да го намалат ризикот од рак и антиоксиданти кои ги штитат белите дробови од оксидативно оштетување и на тој начин помагаат во борбата против астмата.
Јаболката се добри за здравјето на коските, а, исто така, можат да го заштитат желудникот од оштетувања предизвикани од земање лекови како што се нестероидни антиинфламаторни антиревматици
Срцеви болести
Јаболката се полни со флавоноиди, кои се одлични за спречување на кардиоваскуларни болести. Флавоноидите, исто така, се познати по своите антиоксидантни својства, па затоа со право може да се каже дека јаболкото ја чува младоста.
Витамин Ц
Јаболката содржат витамин Ц, кој е важен за одржување на силен имунолошки систем. Недостатокот на витамин Ц предизвикува бавно заздравување, лесно настанување на модрици и крвавење на непцата.
Нискокалоричност
Едно јаболко со просечна големина има помеѓу 70-100 калории. Кога ви се јаде благо, јаболкото може да послужи како одлична замена поради тоа што содржи шеќер, а ќе внесете 75 % помалку калории отколку што би внеле доколку би изеле парче чоколадо.
Заби и кариес
Јаболката се одлични чистачи на забите. Кариесот е инфекција на забите која е предизвикана од бактерии. Сокот од јаболка убива до 80 % од овие бактерии
Мозок
Оваа неверојатно овошје во себе содржи фитонутриенти, кои спречуваат настанување на невродегенеративни болести како што се Алцхајмерова и Паркинсонова болест.
Холестерол
Јаболката содржат феноли кои имаат двојно влијание врз холестеролот. Го намалуваат лошиот холестерол, а во исто време го зголемуваат добриот.
Го намалуваат ризикот од тумори
Иако многумина ги лупат, во кората на јаболката (се разбира, во органските) се наоѓаат здрави супстанции. Поради богатото количество на флавоноиди, јаболката го намалуваат ризикот од рак на простата и рак на белите дробови. Во јаболковата кора се наоѓаат слоеви наречени тритерпеноиди, кои можат да ги спречат или убијат клетките на ракот, а тоа особено се однесува на црниот дроб, дебелото црево и ракот на дојката.
Намален ризик од дијабетес
Жените кои јадат најмалку едно јаболко на ден имаат 28 проценти помалку шанси за развој на дијабетес тип 2
Проблеми со дишењето
Кората на јаболката содржи кверцетин – многу силен антиоксидант, кој има позитивен ефект врз човечкото тело. Истражувањата покажале дека делува антивоспалително, антиалергиски и антивирусно. Го намалува развојот на дијабетес, згрутчување на крвта и создавање на уринарна киселина. Кверцетинот, исто така, влијае и на респираторниот систем.
