ЕЦДЦ објави во кои држави е забележана омикрон варијантата

Европскиот центар за превенција и контрола на болести (ЕЦДЦ) објави во кои држави досега е регистрирана новата варијанта на коронавирусот, омикрон.

До почетокот на декември забележани се вкупно 59 случаи на омикрон во државите на ЕУ/ЕЕО. Новата варијанта забележана е во 11 држави: Австрија (3), Белгија (2), Чешка (1), Данска (4), Франција (1), Германија (9), Италија (4), Холандија (16), Португалија (14), Шпанија (2) и во Шведска (3). На подрачјето на Европа, омикрон е забележан и во Швајцарија и во Обединетото Кралство.

Повеќето потврдени случаи на некој начин се поврзани со патувања во ризичните јужноафрикански земји. Досегашните случаи биле или асимптоматски или благи, покажуваат податоците. ЕЦДЦ наведува дека се уште не е евидентиран смртен случај или тешко заболување предизвикано од омикрон.

Омикрон е евидентиран и во други континенти,а присутен во следните земји: Австралија, Боцвана, Бразил, Канада, Хонг Конг, Израел, Јапонија, Нигерија, Саудиска Арабија и Јужна Африка.