Еве како да ги оставите цигарите – веднаш и засекогаш!

Дури и пушачите знаат дека најпаметната работа која можат да ја направат за себе и своето здравје е да престанат со пушењето

Престанете со пушење веднаш!

Оние кои сакаат да ги остават цигарите прво мора да сфатат дека во тоа треба да успеат самите, иако на некои им треба и стручна помош и поддршка. Во прашање е голем предизвик.

Постојат многу опции кои можат да ви помогнат во потполност да престанете со пушењето од разно-разни фластери, гуми за џвакање, таблети…

Истражувачите тврдат дека доколку сте направиле некој чекор во процесот на оставање на цигарите, шансите да останете во таа зона ви се големи. Податоците покажуваат дека доколку престанете да пушите на 4 недели, вашите шанси засекогаш да ги оставите цигарите се пет пати поголеми. Да се дојде до таа фаза навистина е тешко, но се исплатува.

Во овој процес може да ви помогне една одлична стратегија. Таа е направена со цел целиот пат до одвикнување да се подели на мали чекори.

За почеток треба да одредите датум кога ќе го започнете вашето патување. Не си поставувајте цел подолга од 30 дена. Одберете го за вас најдобриот начин и во процесот вклучете колку што е можно повеќе пријатели и семејството. Држете се до поставената цел и споделувајте го успехот за да бидете мотивирани, но и за да ги мотивирате оние околу себе. Оние кои стојат зад оваа стратегија се убедени дека долгогодишните пушачи можат да успеат во ова со мала поддршка на семејството и пријателите.