Еве што појадува Владимир Путин: Калоричен појадок за успешен ден

Неговиот начин на живот им е инспирација на многумина, затоа што рускиот претседател се труди да живее здраво

За Владимир Путин велат дека е ноќна птица, затоа што заради многубројните обврски и различните временски зони во Русија е приморан да работи до доцна во ноќта. Затоа првиот оброк, односно појадокот го консумира дури околу пладне.

Појадокот на првиот човек на Русија изгледа вака: омлет од јајца од препелица, чинија овесна каша со неколку парчиња сирење, пишува Newseek.

Со појадокот Путин најчесто пие домашен сок од репка и рен. Интересно е тоа дека намирниците се од домашно производство.

После обилниот појадок претседателот Путин го пие своето прво утринско кафе, а потоа оди на тренинг кој начесто се состои од пливање и кревање тегови.

Првите утрински вести ги гледа во теретана, а политички идеи, како што има изјавено, ги добива токму во базенот додека плива.

Кога ќе заврши со појадокот и тренингот Владимир Путин е подготвен за политика.