Сите веќе знаеме дека спиењето е многу важно за здравјето и дека недостатокот на сон може неповолно да влијае на организмот. Меѓутоа, едно ново истражување покажало дека шестчасовното спиење има ист ефект како целосниот недостаток на истиот.
Во студијата која неодмана била спороведена учествувале 48 возрасни испитаници, поделени во четири групи. Ним по ред им било дозволено четири, шест и осум часови сон навечер, додека една група морала да остане будна цели три дена. За време на траење на истражувањето, сите учесници биле тестирани на два часа, освен кога спиеле, за да се провери когнитивната состојба и времето на реакција. Исто така, тие одговарале на прашања за тоа како се чувствуваат во дадениот момент.
Кога се во прашање оние кои спиеле по шест часа, на почетокот испитаниците се изјаснувале дека се е во ред, а тоа го покажувале и тестирањата. По 10 дена, нивните резултати биле исти како кај онаа група која воопшто не спиела. Групата што не спиела била свесна за својата лоша когнитивна состојба, но оние од групата со шест часа и натаму сами оценувале дека се е во ред, иако тестирањата го покажувале спротивното.
Утврдено било дека спиењето шест часа навечер, по само две недели доведува до големо акумулирање на недостаток на сон, што доведува до лоши резултати.
Тешко е да се пронајде идеален начин да се реши прашањето на сонот, но препораките се да се легнува секогаш во исто или во приближно времме, без гледање во екран барем 30 минути пред тоа, со ограничен внес на алкохол и доволна физичка активност во текот на денот. Најважно е луѓето да станат свесни за тоа колку сон всушност им фали, велат лекарите, за да можат и да го надоместат.
