Сите ги познаваме: момци кои кукаат и цивкаат штом настинат – како да умираат. Ако си му се смеела на својот сакан (татко или брат) додека за време на најобична настинка кукал како да умира, сега би можело да имаш грижа на совеста. Имено, научниците неодамна откриле дека мажите навистина многу повеќе патат од жените за време на настинка и грип.
Научниците со години собираат докази и вршат истражувања за да откријат зошто жените се поотпорни на грип и зошто полесно го поднесуваат. Конечно откриле дека причината лежи во имунолошкиот состав на мажите. Додека женскиот естроген го стимулира имунитетот, машкиот тестостерон ги ослабува мажите. Значи, колку повеќе тестостерон, толку почесто мажот е болен.
„Може да каже дека мажите – во споредба со жените – почесто и потешко заболуваат од воспаленија, па на нив послабо делуваат вакцините“, вели д-р Беатрикс Групек-Лобенстајн од Универзитетот Инсбрук. До таа хормонска неправда доаѓа и заради фактот дека жените генерално повеќе внимаваат на себе, поздраво се хранат, побрзо одат на лекар и редовно ги пијат препишаните лекови.
