Тифани работела како тренер во емисијата „Biggest Loser“, американско шоу кое се прикажувало цели 17 сезони и во кое учесниците требало да слабеат, а рекордерот си заминувал дома со награда вредна 250 000 долари, и предлага дваесетминутен тренинг место поминување еден час во теретана. Вели, почетокот на јануари секогаш е посветен на размислувањето како да се загубат килограмите кои сме ги добиле за време на празниците. И додека сите знаеме што би требало, а што не да правиме, Тифани вели дека слабеењето всушност може многу лесно да се разбере. Затоа решила да открие три мита кои прават проблем во процесот на слабеење и желбата да бидете најдобрата верзија од себе:
Мит број еден: Ограничениот внес на калории е клуч
Изгладнувањето не е решение. Доколку не внесувате доволно количество храна ќе го исцрпите организмот и после неколку дена диета ќе се вратите на стариот режим на исхрана. Потребно е да пронајдете избалансирано мени кое ќе биде ваш начин на живот на долги патеки, а кој ќе ви овозможи да слабеете и да не гладувате, вели Тифани.
Мит број два: Морате да поминувате часови во теретана
Не е добро да поминувате часови во теретана и постојано да изведувате едни исти вежби затоа што вашето тело со текот на времето се навикнува на тие движења. Таквото вежбање не е продуктивно, вели оваа мајка на едно дете и препорачува 20-минутен тренинг со висок интензитет.
Мит број три: Шејковите и соковите водат кон губење килограми
Додека пиете разни напитоци вие само губите вода, не и масти. Тоа не е решение за трајно губење килограми. Балансираната и лесна исхрана е клуч за вашата тежина, објаснува Тифани.
