Фитнес зависници една недела јаделе нездрава храна, резултатите се шокантни!

Учесниците во предизвикот сакале да дознаат како драстичните промени во исхраната и вежбањето можат да влијаат физички и ментално на човечкиот живот

Четворица фитнес зависници на една недела ја замениле здравата исхрана со нездрава и престанале да вежбаат. Шокот дошол набрзо: апсолутно сите биле изненадени со која брзина се менувале нивните тела! По само една недела на исхрана базирана исклучиво на слатка, солена и масна храна, учесниците во предизвикот се соочиле со зголемена тежина, лошо расположение и недостаток на енергија, пишува „Дејли мејл“.

Акни на кожата по само 7 дена јадење нездрава храна

Тие го прифатиле овој предизвик за да дознаат како драстичните промени во исхраната и вежбањето можат да влијаат физички и ментално на човечкиот живот.


За појадок престанале да јадат протеинска овесна каша и ја замениле со засладени житарки, колачи и печива. Наместо јаткасти плодови како закуска, јаделе чипс и чоколадо


Џејмс Тили изјавил дека на неговото тело речиси веднаш почнале да се забележуваат промени, неговите стомачни мускули станале помалку дефинирани и се чувствувал многу загрижено затоа што не можел да оди во теретана.

„Тоа навистина ме депримираше. Почнав да се чувствувам како дебел тинејџер каков што некогаш бев, а тоа ми предизвика чувство на стрес и фрустрација. Откако се вратив на мојата високопротеинска исхрана, моето тело се чувствува многу подобро, мојата енергија и мотивација се вратија. Вознемиреноста што ја почувствував исчезна“, изјавил Џејмс.

По една недела нездрава исхрана Пејџ Модест добила акни на кожата, четири сантиметри околу половината и не можела да се бори против чувствата на замор. Отсекогаш водела балансиран животен стил, така што јадењето преработена храна за една недела било вистински шок за нејзиниот организам. За појадок јадела засладени каши и чоколади, а зеленчук не јадела ниту за ручек, ниту за вечера.

„Разбирам зошто луѓето јадат нездрава преработена храна. Лесно е да се подготви и содржи многу шеќери, па луѓето можат да станат зависни од нив, заклучила Модест, на која веројатно никогаш повеќе нема да и падне на ум да го повтори предизвикот.