„Среќни и горди го одбележуваме овој значаен јубилеј на ЗЛОМ-СМ, како едно од најстарите и најмногубројни здруженија, кое како своја примарна задача ја има континуираната медицинска едукација (КМЕ) и континуираниот професионален развој (КПР) на лекарите, како и развојот на семејната медицина во Македонија”, истакна д-р Катерина Ковачевиќ, претседател на ЗЛОМ-СМ, на Симпозиумот одржан во соработка со Асоцијацијата на лекари по општа и семејна медицина на Југоисточна Европа.
На симпозиумот освен што учество зедоа еминенти предавачи од Македонија и странство, со пленарни предавања, презентација на најновите достигнувања во дијагностиката и лекувањето, пленарни сателитски симпозиуми, беше промовирана и книгата „Методологија на научно – истражувачка работа во медицинската пракса“. Целиот настап со својот настап го збогатија и хорот „Фалсето“, хорот при ДУЦОР „Партенијe Зографски“, како и танчарската група „Денсерс јунајтед МК“.
