Болеста е многу заразна, често неизлечива, но со нема може да се научи да се живее. Лицето кое има херпес гениталис инфекција лесно може да го пренесе цирусот на друго лице за време на полов однос. Вирусот може да предизвика кожни промени на вагиналното подрачје, пенисот, подрачјето околу аналниот отвор, на задникот и на бутовите.
Херпесот обично е заразен само ако кај заразеното лице избијат меурчиња. Сепак, лицата заразени со вирусот некогаш можат да ја прошират болеста, иако немаат симптоми.
Лицата кои знаат дека имаат генитален херпес треба да го информираат партнерот, без разлика дали имаат клинички знаци или не. Ширењето на болеста најдобро се спречува со користење на презерватив, кој е најефикасна заштита од генитален херпес.
КОИ СЕ СИМПТОМИТЕ НА ГЕНИТАЛЕН ХЕРПЕС?
Може да се јави како едно или повеќе меурчиња на подрачјето на гениталиите и ректумот. Кога меурчињата ќе пукнат, оставаат ранички и красти. Кога лицето прв пат ќе се соочи со овој вирус, потребни се две недели раничките да зараснат. Следниот пат меурчињата не мора да се појават со недели и дури и со месеци, а кога ќе се појават, обично реакцијата е многу поблага отколку првиот пат. Со тек на време, појавата на меурчиња е поретка.
Симтпомите вклучуваат:
- Чешање или чувство на пецкање во гениталното подрачје
- Болка и пецкање за време на уринирање или полов однос
- Проблеми со уринирање како постојан нагон или болка
- Водени меури на гениталното подрачје
Лицата кај кои херпесот постојано се враќа, можат да ги доживеат симптомите, 48 часа пред појавата на меурчиња. Пецкањето и чешањето е присутно на подрачјето каде се јавуваат меурчињата,или се јавува болка од задникот до колената.
