Големите чинии се виновни за прејадувањето

Холанд и неговите колеги утврдиле дека најобичната промена на садовите за јадење може да го намали бројот на калории во дневното мени во просек за 29 %.

Прејадувањето може да е предизвикано и од фактот што големите чинии и чаши не тераат да мислиме дека понудените порции храна и пијалаци се премногу мали. Изборот на соодветни садови за храна може за една третина да го намали бројот на калории што ги внесува едно лице. Ова неодамна е објавено во списанието Cochrane Database of Systematic Reviews, како дел од истражувачка студија.

„Отсуството на самоконтрола обично се смета за главна причина за прејадување. Всушност, ситуацијата е многу посложена. Откритието ја нагласува улогата на околината во обликувањето на нашата исхрана. Намалувањето на големината на порциите, нејзината привлечност и пристапноста се работен начин за намалување на ризикот од прејадување”, вели Герет Холландс од Универзитетот Кембриџ.

Холанд и неговите колеги утврдиле дека најобичната промена на садовите за јадење може да го намали бројот на калории во дневното мени во просек за 29 %.

Овие резултати се добиени по внимателна анализа на податоци од околу 60 диетални студии кои вклучиле над 6 700 волонтери.

Споредувајќи ги резултатите и податоците од ова истражување, тимот на Холандс открил дека трендот на прејадување речиси секогаш не зависи од самоконтролата или други лични фактори, туку од големината на садовите или чашите во кои се служела храната и се точеле пијалаците.

Откритието на оваа необична карактеристика на човечката психа овозможува да се бориме со епидемијата на дебелина со нетривијални методи. Авторите на студијата предлагаат да се ограничи големината на порциите со висококалорична храна и пијалаци, да се воспостават стандарди за производство на помали чинии и чаши, најголемите пакувања со храна да бидат ставени на највисоките полици на супермаркетите или во други тешко достапни места. Друга мерка е замена на храната во помали пакувања, што ќе ги направи попривлечни за џебот на корисниците, отколку поголемите, кои во моментов чинат поевтино. Таквите мерки бараат тесна соработка помеѓу регулаторите, извршната власт, како и производителите и продавачите на храна.