Дали сте знаеле дека просечната прегратка трае 9,5 секунди и дека луѓето трошат во просек 12 часа годишно во гушкање? И покрај овие бројки, експертите велат дека треба уште повеќе и уште подолго да се гушкаме, бидејќи допирот е многу лековит.
Истражувањата покажале дека децата чии родители уште од раѓање недоволно биле гушкани, научиле подоцна да читаат или да одат и потешко се борат со стресот во текот на нивниот живот. Истражувањето спроведено на Универзитетот Емори покажува дека прегратката има моќ да ја санира секоја емоционална рана, особено онаа предизвикана од чувството дека сме сами, осамени, оставени. Допирот може да биде замена за смеа и медитација, бидејќи како што тврдат научниците, не учи да живееме во моментот, да се препуштиме на животната енергија и правилно да дишеме.
Подолготрајното гушкање го зголемува нивото на серотонин, хормон кој е одговорен за доброто расположение и чувството на среќа
Научниците не знаат зошто допирот толку ја намалува болката, но моќта на прегратката е уште поголема. Допирот и прегратката имаат исцелителна моќ, а стручњаците советуваат дека за среќен живот мора да се гушкаме секој ден.
