Истражувањата, нагласува д-р Рос сугерираат дека 43 проценти од жените имаат некакви потешкотии со интимните односи и со сексот, а 12 проценти пак сметаат дека личната болка е причината за таквите потешкотии.
„За жал, сексуалните проблеми со текот на годините само се влошуваат и својот пик го достигнуваат кај жените на возраст меѓу 45 и 64 години“, вели д-р Рос, нагласувајќи дека тие проблеми за поголемиот број жени се решливи и затоа е важно жените за своите чувства и стравови зборуваат со својот лекар.
Женските проблеми главно се игнорираат. Моментaлно постојат 26 лекарства за еректилна дисфункција кај мажи, но ниту еден за жени. Очигледно е дека многу малку внимание се посветува за женските грижи, освен на оние кои се однесуваат на репродукцијата – објаснува д-р Рос.
Над 60 проценти од жените, покажала 25-годишната пракса на д-р Рос, со никого, а дури и со својот гинеколог, не зборуваат за својата вагина.
„Мастурбацијата е способност, која мора да се научи еднакво како и одењето, трчањето или миењето заби. Жените мораат првенствено да разберат што им претставува уживање, а на патот до сексуалната среќа мора прво да научат каде е клиторисот и како да го стимулираат“, потенцира гинекологот.
Пет главни проблеми влијаат на женската сексуална дисфункција: слабо либидо или пореметување на хипоактивната сексуална желба, болен сексуален однос, пореметување на сексуалната возбуда, аверзија кон сексот и неможноста за постигнување на оргазам.
„Хипоактивната сексуална желба е најчест облик на женска сексуална дисфункција и се карактеризира со целосна отсутност на желбата за секс“, вели д-р Рос.
За 16 милиони жени кои патат од ова пореметување очигледно решение засега нема, бидејќи факторите кои влијаат на женската сексуална желба почнуваат во мозокот, а не под половината, нотира д-р Рос.
Секојдневниот стрес кој произлегува од работата, парите, децата, врските и намалената количина на енергија придонесува за ерозија на либидото. Сексуалната желба кај жента може да ја намали депресијата, анксиозноста, недостигот на приватнот, нуспојави од одредени лекови за болести како што се артритис и ендометриоза и медицински состојби како менопаузата.
