Жена војник, кој претрпела катастрофални повреди на главата во ужасна сообраќајна несреќа во која го изгубила увото, наскоро ќе добие ново уво – откако тоа ќе заврши со растење под кожата на нејзината подлактница.
Шамика Буриџ го изгубила целото уво во сообраќајна несреќа во 2016 година кога имала само 19 години.
Во ретка и исклучителна процедура, армиските хирурзи во „William Beaumont Army Medical Center“ во Ел Пасо, Тексас, го создадоа увото на Буриџ од ‘рскавица и го сместија во нејзината рака за да порасне.
Наскоро, увото одгледувано во нејзиното сопствено тело ќе биде пресадено на левата страна од нејзиното лице, а Буриџ, која сега има 21 година, дури и ќе може да го почувствува
Во 2016 година Буриџ и нејзината братучетка се враќале во Тексас од посета на семејството во Мисисипи, кога експлодирала една од гумите на автомобилот.
Буриџ била исфрлена од автомобилот, удрила со главата на тротоарот и го скршила ‘рбетот на неколку места. Нејзиното тело паднало и се лизгало на тротоарот, при што целосно било уништено левото уво.
Д-р Џонсон, шеф на пластичната и реконструктивна хирургија во Медицинскиот центар на армијата „William Beaumont“ во Тексас, за да го создаде новото уво земал ‘рскавица од нејзините ребра.
Потоа, ‘рскавицата била обликувана во уво.
Во меѓувреме, тимот за пластична хирургија го проширил делот на кожата на подлактицата на Буриџ за да направи простор за скапоцениот товар. Кога бил направен доволно простор, новообликуваното уво било хируршки поставено под кожата.
Телото, препознавајќи го сопственото ткиво, потоа го поттикнало растот на нови крвни садови, па дури и нерви во новото уво.
„Увото ќе има свежи артерии свежи вени па дури и свеж нерв, така што таа ќе може и да го почувствува“, изјавил д-р Џонсон.
