ХИВ повеќе не е опасност?! Пронајден лек кој го спречува пренесувањето на вирусот!

Најопасната сексуално пренослива болест наскоро би можела да стане минато!

Лекот за СИДА можеби е пред нас затоа што научниците тврдат дека новиот лек го намалил ризикот од пренесување на ХИВ вирусот меѓу сексуалните партнери на нула отсто, во истражувањето во кое учествувале 1000 парови од кои едниот од партнерите бил заразен со овој вирус.

Кога биле под терапија со новиот лек за спречување на пренесување на вирусот, откриено е дека вирусот не е пренесен од заразениот партнер на другиот дури ни кога за време на сексуалниот однос не е користен кондом. За време на периодот од 18 години, 15 мажи од оваа група биле заразени со ХИВ вирус, но само затоа што имале интимен однос со некој кој не бил нивен партнер што примал терапија.

Професорката Алисон Роџерс од Универзитетот Лондон, една од авторките на истражувањето, објавила труд во медицинскиот магазин Ланцет и објаснила што може да значи ова откритие.

„Брилијантно е! Фантастично! Ова решава многу проблеми. Нашето откритие обезбедува опипливи докази за геј мажите дека пренесувањето на ХИВ вирусот моќе да се намали, па дури и доведе до нула. Ова може да ја запре ХИВ пандемијата така што ќе се спречи ширењето на болеста“, рекла таа.

Предупредила и дека напорите сега мораат да се насочат кон милионите луѓе ширум светот кои се ХИВ позитивни. Во 2017 околу 40 милиони луѓе ширум светот живееле со ХИВ вирус, од кои околу 22 милиони биле на некој вид терапија.

Научниците тврдат дека ова откритие треба да ги охрабри сите да се тестираат на ХИВ и да започнат со терапија ако е тоа неопходно. Посебно треба да се охрабрат мажите кои се во сексуални врски со мажи. На некои луѓе не им е лесно да одат на тестирање на ХИВ и да дојдат до соодветна терапија, но имајте на ум дека секогаш е подобро да се провери здравјето и да се знае дали е потребна терапија.