Американски научници со помош на ХИВ вирус развиле терапија за тешка имунодефициенција и после таа терапија, осум бебиња сега имаат потполно функционален имун систем. Резултатите од истражувањето спроведено во болница во Тенеси ги објавил медицинскиот магазин The New England Journal of Medicine.
Тешката комбинирана имунодефициенција позната е и како болест „bubble boy“, а децата родени со ова нарушување, односно мошне слаб или без имунитет, сега имаат функционални имуни системи. Децата родени со ова нарушување кои не добиле терапија мораат да живеат во потполно стерилни услови и обично умираат уште како бебиња.
Во рамки на генетската терапија се зема коскена срцевина од бебето и се исправува дефектот во нивната ДНК веднаш по раѓањето. „Исправниот ген“ (кој се користи за лекување) се уфрла во изменета верзија на клетки на ХИВ вирусот кој предизвикува СИДА. Научниците соопштиле дека повеќето од бебињата ќе излезат од болница за еден месец. Пациентите добивале терапија во Детската истражувачка болница Сент Џуд во Мемфис, како и во детската болница Бениоф во Сан Франциско.
