Хормонската терапија за рак на простата може да го зголеми ризикот од депресија

Ова истражување покажало дека мажите кои се на хормонска терапија, откако им е отстранета простатата, имаат за 80% поголем ризик од развој на депресија во однос на останатите болни со рак на простата.

Хормонското лекување може да помогне во контрола на ракот на простата, но може да го зголеми и ризкот од депресија, укажува нова студија. Со оглед дека машките хормони, како што е тестостеронот, поттикнуваат раст на туморот на простата, за лекување на ракот на простата, се користат лекови кои го намалуваат производството на хормони.

Треба да се спомене дека нивната примена може да доведе до тешки нуспојави, како што се инконтиненција и импотенција.

Ова истражување покажало дека мажите кои се на хормонска терапија, откако им е отстранета простатата, имаат за 80% поголем ризик од развој на депресија во однос на останатите болни со рак на простата.

Оттука се смета дека следењето на знаците на депресија кај болните со карцином на простата, дури и многу години по дијагнозата, и тоа особено во случај на лекување со терапија  на депривација на андрогени, е оправдана.

Инаку, многу мажи со рак на простата стануваат депресивни, и тоа посебно за оние со оваа болест, бидејќи лекувањето често влијае на нивната сексуална функција.