Се повеќе луѓе избираат различен замрзнат зеленчук и овошје и го вклучуваат во дневното мени поради разновидност или од практична гледна точка. Една од големите предности кај нив е дека тие се претходно измиени, исечкани, подготвени за готвење и се многу практични. Основна причина за купување на замрзнато овошје и зеленчук е и фактот дека тие се сезонски и често треба да бидат увезени од други земји. Добро е да знаете дека за да можат свежите плодови да стигнат до нас подготвени за консумирање често се берат пред да се узреат и така губат некои од хранливите состојки во текот на долгото патување до продавниците.
Зеленчук и овошје кои се подобри во замрзната форма:
Моркови – тие се одлична опција бидејќи високото ниво на бета каротен и на антиоксиданти се задржуваат во овој зеленчук со замрзнувањето и така имаат загарантирани здравствени придобивки (подобар вид, убава кожа).
Грашок – тоа е достапна и удобна опција за да добиете повеќе на задолжителниот дневен внес на зеленчук. И тоа лесно може да се додаде во супи, чорби или салати или се користи како самостоен оброк. Грашокот е, исто така, еден од најздравите зеленчуци.
Брокула – зеленчукот со висока содржина на витамин Ц, како што се брокулите, го губат овој витамин за време на транспортот, продолженото складирање и изложеноста на многу топлина и светлина, но кога се замрзнуваат го одржуваат нивото на витамини и антиоксиданти.
Спанаќ – свежиот спанаќ е одличен за јадење кога ќе одлучите да го јадете свеж, но замрзнатиот е многу посоодветен и полесен за подготовка. Свежиот зеленчук губи значителен волумен и хранливи материи при готвењето. Имајте на ум дека замрзнатиот спанаќ содржи многу вода, па пред да го додадете во јадењето, одмрзнете го во цедалка и исплакнете го под топла вода.
Пченка – ова е можеби најкористената замрзната храна, бидејќи и во свежа и во замрзната формаа ги задржува сите хранливи состојки.
Шумски плодови – јагоди, боровинки, малини и капини имаат докажано подобра вредност кога се замрзнати (особено кога се надвор од сезона), бидејќи почнуваат да ги губат хранливите својства во моментот кога биле набрани.
Манго – замрзнатото манго има многу повеќе придобивки отколку што мислиме. Освен за подготовка на прекрасно смути, мангото во ваква форма може да се додаде во различни десерти и салати.
Праски – заборавете на праските конзервирани во тегли и конзерви кои содржат огромно количество шеќер. Замрзнатото овошје е многу поздраво и може да се користи за прелив за полнење на палачинки и вафли, за пити и колачи.
