Мачнина, киселини и болка во горниот дел на стомакот се првите индикатори за гастритис. Станува збор за болест предизвикана од воспаление на желудочната слузница.
Дали сте забележале дека симптомите после јадење се влошуваат? Најчесто е така. Некои намирници предизвикуваат тегоби кај сите лица кои страдаат од гастритис, а вашиот лекар, веројатно, веќе ви ги забранил.
Но останатата храна може да предизвика болки само кај едни, додека други добро ја поднесуваат. Затоа треба да научите да ја препознаете и да ја исфрлите од менито. Исто така, внимавајте и на комбинацијата на јадења и подготовка на храната. На пример, вистина е дека компирот е добар за желудникот, но не и кога е пржен. Пржената храна го успорува варењето и ги зголемува симптомите на гастритис. Заборавете и на таканаречените „бабини совети“, кои честопати се повеќе штетни отколку што користат. Класичен пример е млекото – велат дека е природно средство против киселина. Навистина, моментално го ублажува чувството на жарење во желудникот, но тоа е само минливо, бидејќи веднаш штом ќе варењето, млекото ќе ја засили секрецијата на киселината и тегобите ќе бидат исти како порано, ако не и полоши.
Што да јадете ако се соочувате со гастритис? За време на нападот на гастритис, можеме да си помогнеме со исхраната. Во продолжение кои намирници се штетни, а кои се корисни.
ДА
Црвени феферонки во прав: Во мали количини, може да го забрзаат варењето на храната и со тоа да ги ублажат симптомите.
Компир: Содржи скроб, супстанца која ја намалува киселоста во стомакот. Но, внимавајте на подготовката: мора да биде варен во вода или на пареа.
Крекери: Го запираат излачувањето на киселината, која предизвикува жарење и враќање на храната.
НЕ
Вино и алкохолни пијалаци: Го успоруваат празнењето на желудникот: колку подолго е варењето, толку се посилни тегобите предизвикани од гастритисот.
Кафе и чоколада: Ја иритираат слузницата на желудникот и го засилуваат враќањето на киселината од желудникот во устата.
Домати и јужно овошје: Содржат супстанции кои ја зголемуваат киселоста на желудникот. Ги засилуваат симптомите на гастритис.
Нутриционистите сметаат дека повеќето луѓе со подобрување на исхраната повторно можат да ја воспостават посакуваната рамнотежа во организмот кога се чувствуваме пополетно, исчезнуваат дигестивните нарушувања, а и кожата како да ни станува почиста. Како? Општо земено, избегнувајте храна која е тешка за варење и најмалку пет пати на ден јадете свежо овошје и зеленчук, особено мешунки и алги.
