Храна што ја враќа штитната жлезда во рамнотежа

Правилното функционирање на штитната жлезда е неопходно за целокупното здравје на организмот, а одредена храна може да ја врати оваа жлезда во рамнотежа.

Зеленчукот од семејството зелки (зелка, црвена зелка, кељ, карфиол, брокула, прокељ, келераба), со динствување или кратко варење на тивок оган во мала количина на вода и пократко од 10 минути, нема да ги изгуби ензимите неопходни за борба против болестите на штитната жлезда и добрата апсорпција на глукозинолатот во крвта, а тешките јаглехидрати ќе може полесно да се сварат и се намалува присутноста на гоитрогенот.

Бразилскиот орев е богат со селен, а овој есенцијален минерал ја чува штитната жлезда од оштетувања. За внес на дневната доза селен во организмот потребно е да се консумираат само три бразилски ореви дневно.

Алгите се природен извор на минерали, вклучувајќи го и јодот кој е вклучен за правилна работа на штитната жлезда.

Зелениот лиснат зеленчук е богат со хлорофил, кој е важен за целокупното здравје, но и за функционирањето на штитната жлезда, бидејќи на себе ги врзува токсините кои ја спречуваат неговата правилна работа.