Можеби на некого му звучи неверојатно, но и тоа постои – филематофобија или страв од бакнеж и бакнување. Лицата кои го имаат овој страв, се грижат дека ќе добијат инфекција од некого, бактерии или се плашат од непријатниот здив на лицата покрај себе. Ова е една специфична фобија проследена најчесто со малаксофобија, или сармасофобија или страв од љубов.
Зошто се појавува стравот од бакнување?
За појава на фобиите, големо влијание има генетиката. Многу специфични фобии може да се појават по одредени случувања. Најчесто тоа се трауматски искуства во помладите години. Социјалните фобии и агорафобијата (страв од отворен простор) имаат сложени причинители и никогаш не се еднакви кај секој човек кој ги доживува.
Филематофобијата во некои случаи произлегува од културни или верски уверувања заради верувањето дека бакнувањето е грешно. Некои случаи на страв од бакнување може да бидат и последица од претходно сексуално насилство. Жртвите на силување, сексуално злоставување или напад може засекогаш да се откажат од ваков емоционален контакт.
