Станува збор за билка чии листови и семе од дамнина се користат како во индиската кујна, на Блискиот Исток и Јужна Америка, така и во традиционалната кинеска и индиска медицина.
Семето често се користи во комбинација со анасон, ким… кај дигестивни тегоби како што се отежнато варење, лош апетит, надуеност и гасови, грчеви во цревата. Исто така, бројните активни состојки во коријандерот како што се борнеол, лимонен, цинеол и алфа-пинен поседуваат противвоспалителни својства, па чајот од семе од коријандер и употребата на овој зачин при готвењето можат да помогнат кај отоци и болки како резултат на артритис. Исто така, можете половина лажичка мелено семе од коријандер да измешате со кокосово масло и оваа смеса да ја користите како мелем за зглобови.
Истражувањата направени над животни, исто така, покажале дека коријандерот би можел да помогне и во регулирањето на нивото на холестерол со тоа што го намалува ЛДЛ холестеролот, а го зголемува нивото на ХДЛ холестеролот, како и дека би можел да помогне во ублажувањето на пречките при памтењето кај Алцхајмеровата болест.
