Иако лекарот сигурно ви кажал што треба да јадете, сепак најдобро е сами да си ја одредите храната, односно треба да повнимавате на намирниците кои ви пречат и да ги исклучите од секојдневната исхрана.
Кој вид на храна треба да го избегнувате?
Секоја храна не предизвикува еднакви реакции кај луѓето, па затоа е најдобро сами да увидите кои намирници го иритираат вашиот желудник. Одредени зачини создаваат киселини, па затоа може да предизвикаат болни напади.
Напитоци: Топло какао и газирани пијалоци, полномасно млеко и чоколадно млеко, чај од нане, кафе, црн и зелен чај, алкохолни пијалоци, сокови од портокал.
Зачини: бибер, лук во прав, чили, што помалку сол
Останати намирници: Млечни производи од полномасно млеко, многу зачинето месо како кобасици, салами, сланина, лути пиперки, лук и кромид, производи од домати.
Што смее да се јаде?
Здрава храна и свежи намирници секогаш се добар избор. Овошје, зеленчук, житарки, млечни производи со малку маснотии, интегрален ориз. Користете маслиново масло. Добро е да се знае дека не е паметно да јадете пред легнување, а на вашата состојба и одговараат мали оброци преку целиот ден.
