Периодот на настинки е почнат со почетокот на есента. Променливото време и температурните промени влијаат на органзимот и доведуваат до појава на настинки. Постојат неколку трикови кои може да се применат и навреме да се стопира појавата на настинка.
Внесувајте течности
Пиењето доволно количина на вода помага имунитетот да функционира како добро подмачкана машина. Освен вода, консумирајте и супи и билни чаеви.
Сок од портокал
Сите знаеме дека без витамин Ц нема здрав имунитет. Токму затоа добро е да се пие свежо цеден сок од портокал кој му обезбедува на организмот течности и витамин Ц. Користете и друго овошје по желба: киви, јаболка, јапонско јаболко…
Гаргара со солена вода
Во чаша топла вода ставате мала лажичка сол и правете гаргара секое утро и навечер. Овој метод помага особено ако веќе чувствувате благо воспалено и болно грло.
Заборавете на благо
Научниците тврдат дека консумирањето намирници со многу шеќери и заситени масти даваат можност на вирусите да се шират во горните дишни патишта. Поентата е дека благата и масна храна може да предизвика воспаление кое го слабее имунитетот.
Бирајте лук
Генијална намирница која е добродојдена во исхраната, особено во сурова форма. Извор е на сулфурни соединенија (како алицин) кој има имуномодулаторно својство и ги ублажува симптомите на настинка и грип.
Одмор
Одморањето е многу важно, бидејќи му помага на имуниот систем да се бори против болести и настинка. Одморајте кога и да можете и навечер спијте без да поминувате време пред телефон или друг апарат. Телото ќе ви биде благодарно на конкретниот одмор.
