Се спремате да заминете на годишен одмор, но во последен момент се соочувате со дијареја. Без оглед на причините за нејзината појава, дали знаете што треба да јадете и да пиете ако имате дијареја? Запомнете, секогаш се препорачуваат 4 главни намирници: банани, ориз, јаболка и тост. Овие намирници лесно се варат и нема да ја оптоварат работата на цревата.
Се разбира, треба да пиете и многу течности, а особено вода. Пилешка супа, кокосова вода или чај, исто така, можат да ви помогнат. Кога ќе се опоравите малку, ако сте гладни, јадете кајгана.
Што не е добро да јадете ако имате дијареја?
За жал, долг е списокот на намирници, кои треба да ги избегнувате ако имате проблеми со дигестивниот систем, бидејќи тие можат само да ја влошат ситуацијата. Еве што не се препорачува:
- млеко;
- пржена храна;
- свинско месо и јагнешко месо;
- сардини;
- суров зеленчук;
- кромид;
- пченка;
- цитрусно овошје;
- кафе;
- сокови;
- вештачки засладувачи.
Кога на лекар?
Иако во принцип најголемиот дел од дигестивните тегоби може да се лекуваат дома, во следниве ситуации треба да се јавите кај вашиот лекар:
- ако дијарејата трае 2 или повеќе дена;
- ако сте дехидрирани;
- ако чувствувате силна абдоминална болка;
- ако имате покачена телесна температура.
