Имате оток на раката, еве зошто треба да појдете на лекар поскоро

Ако раката ви отекува побарајте помош од лекар, затоа што последиците можат да бидат кобни!

Кога на раката, дланката, прстите или зглобот ќе се појави оток, лезија или израсток обично помислуваме дека станува збор за повреда, убод од инсект или клавус (жуљ)… Сепак, таквите симптоми можат да бидат индикација за поголеми проблеми со здравјето.

Таквите отоци се нарекуваат хигром – облик на ганглионска циста, може да се појават и на површината на дланката или на внатрешната страна од прстите. Обично се со големина од неколку милиметри до 2 сантиметри, а ретко со поголеми димензии. Во секој случај таквите израстоци не се само естетски проблем, туку навистина можат да го намалат квалитетот на живот и да предизвикаат здравствени проблеми.

Зошто се создаваат?

На создавањето на ганглионите влијае и повторувањето на „микротраумите“, односно честото вршење на одредени движења или пореметување на протокот на вода околу зглобот и тетивните обвивки. Заради зголемувањето на притисокот во обвивките на одредено место се создава ќеса во која се собира вода која се движи само во насока кон ганглионот. Ако се воспостави спротивен тек или ќесата пукне ганглионот може да исчезне, а тоа се случува скоро кај половина од пациентите.

Последици

Освен видливо испакнување, други симптоми ретко се јавуваат. Може да се јави и болка, трнење и ограничена подвижност, но лекарите предупредуваат дека во потешки случаи можно е посериозно пореметување на функцијата на дланката. За поставување на дијагнозата се прави преглед и рендгенска снимка, а ако постои сомнеж за тумор на меките ткива на дланката тогаш се прави и биопсија. Најчест облик на лекување е хируршко отстранување, како и терапија со кортикостероиди. Во секој случај, докторите советуваат да побарате стручна помош ако забележите израсток.