Инхалациите со босилок ги намалуваат симптомите на воспалени синуси

Босилокот, доколку се консумира како чај делува смирувачки, ја регулира несоницата и ја ублажува нервозата, го поттикнува апетитот, а многу е делотворен во решавање на симптомите на воспаленија во уринарниот тракт

Босилокот е билка со силен и специфичен мирис која е широко распространета на нашите простори. За нејзините лековити својства се знае од поодамна, а уште старите народи ја користеле и во домаќинството и за лекување најчесто на проблеми со дишните органи и настинки.

Сокот од листот од босилок се користи против кашлица, бубрежни болести, главоболка и депресивно расположение, а чајот е одличен против менструални тегоби. Инхалациите со свеж или сув босилок успешно ги намалуваат симптомите на воспалени синуси, затнат нос, настинки или алергии.

Листовите од босилокот може да се ставаат и во купка, бидејќи делуваат пријатно на кожата и ја омекнуваат. Босилокот, доколку се консумира како чај делува смирувачки, ја регулира несоницата и ја ублажува нервозата, го поттикнува апетитот, а многу е делотворен во решавање на симптомите на воспаленија во уринарниот тракт.

Чајот од босилок се подготвува од листови на сув или свеж босилок кој се прелева со врела вода. Треба да отстои во поклопен сад до десет минути и се консумира свеж еднаш во денот. Може да се пие секој ден, осум дена по ред, но потоа мора да се направи пауза од 14 дена, пред да се почне одново. Чајот од босилок е добар и за испирање на устата во случаите на воспаление на непцата или на слузницата во устата.