Според офталмолозите, здравата исхрана може да помогне во зачувувањето на видот за време на стареењето. Имено, луѓето кои јадат намирници богати со масти имаат поголем ризик за развој на сенилна макуларна дегенерација отколку оние кои консумираат зелен лиснат зеленчук, овошје и храна богата со антиоксиданти.
Исхраната богата со овошје и зеленчук, како и риба, која содржи омега-3 масни киселини, што обично се препорачува за одржување на здравјето на срцето, исто така, е важна и за луѓето кои се изложени на поголем ризик од макуларна дегенерација.
Кај макуларната дегенерација предизвикана од староста, доаѓа до оштетување на макулата (жолтите пеги), што доведува до губење на видот во центарот на видното поле.
Треба да се напомене дека не постои лек за сенилна макуларна дегенерација, што претставува главна причина за губење на видот кај возрасните лица на возраст од 50 години и постари.
Заедно со староста, пушењето и позитивна семејна историја, нездравата исхрана е главниот фактор на ризик за сенилна макуларна дегенерација, пишува „LifeBridge Health“.
