Интимно здравје: Не претерувајте со хигиената, може да има контра ефект!

Сменете ги навиките!

Најголемо внимание кај припадничките на понежниот пол, а кога е во прашање одржувањето на хигиената, природно привлекува интимната регија. Многумина се прашуваат што е најдобро да се прави за тој дел од телото да биде чист и здрав, па во тоа понекогаш и претеруваат. Еве неколку корисни совети, за да не направите проблем:

Обичните сапуни не се за интимната регија

Повеќето обични сапуни и гелови се наменети за одржување на природната Пх вредност на кожата која 5,5. Нормалната Пх вредност на здравата вагина е меѓу 3,8 и 4,5. Затоа за да не ја нарушите природната флора на вагината и да не заработите непријатни инфекции, бактерии, болка, секрет и чешање внимавајте какви препарати користите.

Мијте ја само површината на вагината

Вагината има способност за самочистење, па затоа не е потребно да се мие одвнатре, односно да се испира. Доволно е да посветите внимание на нејзината површина и регијата околу неа.

Мијте се еднаш дневно

Миењето на интимните делови еднаш дневно го препорачуваат речиси сите гинеколози. Исклучок е големата нужда, сексуалните односи и менструацијата кога е добро да се туширате и по неколку пати на ден.

Не користете сунѓер или ракавици

Вагината мијте ја исклучиво со раце, никако со помошни средства за да не нанесете повреда на слузокожата која е исклучително чувствителна.

Не насочувајте ја водата директно кон вагината

Додека се туширате внимавајте водата да тече надолу, не директно во вагината на тој начин ќе спречите влегување на бактерии во внатрешноста.

Бришете се со сув пешкир

Пешкирот со кој се бришете по миењето треба да биде мек, памучен и сув, а важно е и да го менувате после секои три бришења и да го користите исклучиво вие!